Pumasok ako ng PUP para mag-aral. Hindi kailan man pumasok sa isip ko ang makialam sa politika o sumali man lang sa mga aktibistang pangkat sa loob ng unibersidad. Pero bakit nga ba ako nandito? Sumasabak sa magulong mundo? Dahil ba sa isa akong oportunista, at maganda ang mga salitang PUP Student Leader sa resume? Oh come on people! Mantsa yan sa papel ko! Nakikialam ako dahil sa gusto kong maging bahagi ng pagbabago, ayokong masayang ang buhay ko! Ayokong magsisi na pag tapos ko ng pag-aaral ay wala akong nacontribute sa unibersidad. Biglang may isang pagkakataon nagpabago ng buhay ko, may lumapit na isang kaibigan at nagsabi, “tol, gusto mo bang tumakbo sa konseho?” ayun! mahabang kwento na ang sumunod! at heto na ako, nakikibaka para sa katotohang nalaman ko. Kung masama man ang napuntahan ko, panigurado ako, mas masama ang iyo. Una, wala pa silang ninakaw na pera ng mga iskolar ng bayan, wala pang hinikayat para maging rebeldeng kadre sa kung saan-saan, hindi pa nila pinalitan ang balota na simbolo ng demokratikong halalan.Ewan ko ba, ilang taon na rin silang lumalaban para sa patas na sistema, ang nakakatuwa pa nito, ang inyo nagsasabing sila ay naapi, oh come on ulit! eh kayo nga itong mga nandaraya. Una kong karanasan, may flying voter sa isang kolehiyo, gumamit sya ng ibang registration card para makaboto sa hindi nya naman kolehiyo, ayun! nung inimbistigahan, abswelto! Baliw daw sya sabi ng COMELEC(Bakit kaya may baliw sa loob ng PUP?) Pangalawa, noong sumali ba ako sa partidong kinaaaniban ko eh hindi na ako kasali sa mga estudyanteng dapat na paglingkuran ng Sentral na Konseho ng mag-aaral? Bakit ako nasa partidong ito kung isa akong intel? Di ba dapat ang espiya ay nasa lugar kung nasaan sya maraming makukuhang impormasyon? Katulad na lang sa loob nyo, sa loob ng inyong partido. Ikatlo, bakit nga ba bawal banggitin ang salitang transparency at financial statement sa Meeting de avance? Pang-apat, hindi kayo related sa CPP-NPA-NDF eh yung mga aklatin nyo eh akda ni Jose Maria Sison. Panglima, libro hindi bala, edukasyon hindi gyera, pero ang sagot sa kahirapan digmang bayan? ano ba talaga kuya? Pang-anim, hindi ka overstaying? wee? Pang-pito, Oust ______ … maganda kayong ehemplo sa recycling! Pang-walo, tama na nga.. masakit lang sa ulo! Ngayong taon, isang malaking baliw-baliwan at tanga-tangahan ang nagaganap. Gumawa na naman sila ng script at di kami aware na tauhan kami ng sarswelang ito. At ano pa nga ba ang ending nito? Sila ang panalo at sa mata ng iba, kami ang magsoursourgraping, pikon at masama. Bakit nga ba hindi kami nagsasawa? Isa lang ang sagot, dahil sa mga nararanasan namin, lalo lang lumalakas ang loob namin. Mas tanggap ko ang matalo sa isang malinis na eleksyon kaysa magpalamon sa sistemang bulok. Nasaan na nga ba ang magulang namin sa unibersidad? Tila yata nagkukulang kayo pag-gabay at pagpaparusa sa amin? ++++ Maiba pala ako, 29 years na daw sila sa PUP, nung 2004 ata may nakatalo sa kanila sa konseho, libo ang tambak, Pagbabago ang ngalan ng partido, pero anong nangyari nagdeklara sila ng Failure of election, admin intervention daw. Di naman malabong mangyari ulit yun diba? Pero syempre di nila hahayaang mangyari yun! Ngayon palang gagawa na sila ng paraan, para di mawala sa poder ng kapangyarihan! Ano ang pinag-kaiba nyo kay Marcos at Gloria? Sabagay, mana kayo sa ama nyong si Mao. Well, good luck na lang. Sa PUP lang kayo masaya.
